National Wildlife Week vawi 69-na hawn a ni

Nungchate Humhalh Hapta, National Wildlife Week vawi 69-na chu nimin khan Environment, Forests & Climate Change Minister TJ. Lalnuntluanga chuan Mizoram puma hman turin a hawng a, kumin hian ‘Nungcha Humhalh Kawnga Thawhhona’ (Partnerships for Wildlife Conservation) tih chu thupui atan hman a ni.

National Wildlife Week hawnna hunah hian EF&CC Minister TJ. Lalnuntluanga chuan Nungchate Humhalh Hapta chuan Mizoram mipuite thinlungah hna thawk tharin, ramngaw leh nungcha humhalh kawngah mitin ten mawhphurna pawimawh tak kan nei \heuh a ni tih min hriat thar tirtu ni se a duh thu a sawi a. Khawvel changkang chho zelah leilung hausakna, thing leh mau te kan ti chereu nasa hle a, chuvangin ram kan tihchhiat leh hemi avanga boruak, sik leh sa danglam nasa lutuk veng leh siam\ha leh turin theihtawp a \an kan lak a \ul thu a sawi a. “Ramngaw kan humhalh that chuan kan nunna hnar pawimawh tak tuihna pawh kan humhalh tel a ni,” tiin tun dinhmunah Mizoram-ah tui mamawhna a pun zel laiin tuihna in tlem lam a pan zel chu pawi a tih thu a sawi a. Heng hi kan dinhmun anih avangin kan State-in hmasawnna kawng kan zawh chhoh mekah hian Environment humhalh nen kan kalkawp tir a \ul takzet tih EF&CC Minister chuan a sawi bawk.

National Wildlife Week hi October ni 2 a\anga October ni 8 chhungin hman \hin a ni a, remchan zawkna avangin nimin khan a hawnna hi neih a ni a. India ram hnampa Mahatma Gandhi piancham pualin India ram pumah kumtin hman \hin a ni a. Nimin-a he hun hman hi RS. Sinha IFS, Principal Secretary & Principal Chief Conservator of Forests, Mizoram chuan a kaihruai a ni.