Muthi Model Village-ah hmalakna tur 80% zo tawh

Mizoram Lok Sabha MP C. Lalrosanga chuan nimin khan Saansad Adarsh Gram Yojana (SAGY) Phase VII hnuaia Model Village atana a thlan Muthi tlawhin hmalakna te a enfiah.

Lok Sabha MP chuan Muthi Model Village-a Line department hrang hrangte hmalakna atanga hlawhtlinna hmuh a ni chho zel leh ruahmanna awmsa atanga za zela 80 zawhfel a ni chu lawmawm a tih thu a sawi a. SAGY chu India ram thingtlangte tih hmasawn nana Prime Minister ruahman scheme ngaihpawimawh tak a ni tih sawiin, India rama SAGY Model Village 3,341 zinga.Muthi a tel chu khawtlang tana malsawmna a nih thu a sawi a. Hemi atana hmalakna tur Village Development Plan duante chak taka bawhzui a ni chu lawmawm a tih thu a sawi bawk.

Muthi khua hi July ni 21, 2020 khan SAGY Model Village atan thlan niin SAGY Phase VII kaltlang hian MP leh MLA Fund bakah Line department hrang hrangte kaltlangin khawtlang mammawhte chhawpchhuah a ni a. Village Development Plan (VDP) project 41 kalpui tura ruahman zingah 33 (80%) zawh tawh niin, project kal mek 3 bakah la thawh tur 5 a awm mek bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar