Lunglei Science Centre & Digital Planetarium hawng

Mizoram Youth Commission (MYC) Chairman Dr. Vanlaltanpuia chuan nimin khan Lunglei Science Centre & Digital Planetarium chu Lunglei Zohnuai-ah a hawng.

Lunglei Science Centre & Digital Planetarium hawnna hunah hian Dr. Vanlaltanpuia chuan Mizoram-a Science Centre pahnihna tur Lunglei Science Centre & Digital Planetarium peihfel a ni ta chu lawmawm a tih thu sawiin, Lunglei District tana ni chhinchhiah tlak leh thil pawimawh tak a nih thu leh Mizoram chhim lam zirlai naupangte tan Science zirna puitu hmun pawimawh tak leh mipui vantlangte zingah pawh Science hriatchianna kawnga hmasawnna thlen tir tur a nih a beisei thu a sawi a. India ram State dangte bakah ramdangte hmasawnna ke pen ruala pen ve turin Lunglei leh a chhehvel District-te a duhsak thu a sawi a ni.

Lunglei Science Centre hi cheng nuai 697 senga Mizoram sawrkar in a din niin Digital Planetarium hi Mizoram Science, Technology & Innovation Council (MISTIC) hmalakna a cheng nuai 330 senga din niin, North Eastern Council atangin sum hi hmuh a ni a. Digital Planetarium hi Kothari & Associate, Kolkota ten an design niin Landscaping hi Creative Museum Designer, National Council of Science Museum, Kolkata design a ni thung a. Science Centre hian Type-II quarters 2 a chhawm tel bawk a ni. Digital Plentarium-ah hian Astronomy Exhibition Hall, Conference Hall leh Training Hall a awm nghal a, Digital Planetarium Dome hi 8m diameter niin mi 50 thut theihna a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar