MNF Party in MLA Candidate tur an puang ta

‘Pathian leh mipui te zarah sawrkarna kan la ngei ang’ - MNF President

Mizoram-a Rorellai MNF party chuan MLA General Election 2023-a an party candidate turte chu nimin khan puangin Campaign Kick-Off an nei nghal a. He hunah hian MNF President Zoramthanga chuan, “Pathian leh mipui te zarah sawrkarna kan la ngei ang,” a ti.

Aizawl Vanapa Hall-a nimin-a he hun hmanna ah hian MNF President Zoramthanga chuan hun rei tak an nghah hnuah Candidate tha tak tak puanna hun an nei tih sawiin, “Party thenkhat chuan Candidate an in chuh laiin keini chuan Pathian tanpuina in Candidate kan set fel thei hi lawmawm hle a ni,” a ti a. “Harsatna tam tak paltlanga Pathian in a lo hruai chhuah tawh MNF Party hi Mizoram in a tawh mek harsatna period atangin Pathian in min hruaichhuak dawn a, malsawmna period-ah, hunin a finfiah tawh MNF Party hi Pathian leh mipui zarah Mizoram hmasawnna nasa zawk thlentir turin Pathian in min sorkar tir leh ngei dawn a ni,” a ti bawk.

MNF Party in nimin-a Assembly bial 40-a an Candidate tur an puan ah hian MLA leh Minister nilai tam zawk chu an Bial ngai ah an ding leh dawn a, 1-Hachhek Bial-ah Robert Romawia Royte, Chhinga Veng Aizawl dingin 2-Dampa Bial-ah Lalrintluanga Sailo, Luangmual Aizawl; 3-Mamit ah Er H Lalzirliana, Mamit; 4-Tuirial ah K. Laldawngliana, Dinthar Veng Aizawl; 5-Kolasib ah K. Lalrinliana, Kolasib; 6-Serlui ah Lalrinsanga Ralte, Dinthar Veng Aizawl; 7-Tuivawl ah Lalchhandama Ralte, Durtlang Leitan; 8-Chalfilh ah K. Lalhmangaiha, ITI Mualpui Bethel Veng Aizawl; 9-Tawi ah Lalrinenga Sailo, Durtlang North te an ding ang. 10-Aizawl North-I ah R. Lalzirliana, Armed Veng dingin 11-Aizawl North-II ah Vanlalsawma, Ramhlun Venglai a ding anga, 12-Aizawl North-III ah C.Lalmuanpuia, Chanmari West dingin 13-Aizawl East-I ah MNF Party President leh Chief Minister nilai Zoramthanga, Ramhlun Venglai a ding anga. 14-Aizawl East-II ah B. Lalawmpuii, Chhinga Veng Aizawl; 15-Aizawl West-I ah Zothantluanga, Zotlang Aizawl; 16-Aizawl West-II ah Lalruatkima, Kanan Veng Aizawl; 17-Aizawl West-III ah Er. K. Lalsawmvela, Mission Vengthlang; 18-Aizawl South-I ah Rajya Sabha MP nilai K.Vanlalvena, North Mualcheng; 19-Aizawl South-II ah Denghmingthanga, Kulikawn leh 20-Aizawl South-III ah Dr. F.Lalnunmawia, Chawnpui Veng Aizawl te an ding ang.

21-Lengteng-ah Dr. L.Thangmawia, Mission Vengthlang chu dingin; 22-Tuichang ah Deputy Chief Minister nilai leh MNF Sr. Vice President Tawnluia, Khawzawl Dinthar Veng; 23-Champhai North-ah Dr. ZR. Thiamsanga, Kulikawn Aizawl; 24-Champhai South-ah TJ. Lalnuntluanga, Zonuam Aizawl; 25-East Tuipui-ah Ramthanmawia, Laipuitlang; 26-Serchhip-ah J. Malsawmzuala Vanchhawng, Galilee Veng, Zemabawk; 27-Tuikum ah Er. Lalrinawma, Chhinga Veng Aizawl; 28-Hrangturzo ah Lalremruata Chhangte, Vaivakawn Aizawl te an ding anga. 29-South Tuipui-ah Dr. R. Lalthangliana, Kanan Veng Aizawl; 30-Lunglei North-ah Dr. Vanlaltanpuia, Pukpui Lunglei; 31-Lunglei East-ah Lawmawma Tochhawng, Lunglei Ramthar Veng; 32-Lunglei West ah C. Lalrinsanga, Lunglei Bazar Veng; 33-Lunglei South-ah K. Pachhunga, Thlengang leh 34-Thorang ah R.Rohmingliana, Ramhlun North Aizawl te an ding ang.

Heng bakah hian 35-West Tuipui-ah Prova Chakma, Nunsury; 36-Tuichawng ah Rasik Mohan Chakma, Borapansury 1; 37-Lawngtlai West-ah V. Zirsanga, Paithar; 38-Lawngtlai East-ah H.Biakzaua, Electric Veng Lawngtlai; 39-Saiha-ah H.C. Lalmalsawma Zasai, Siaha Council Vaih leh 40-Palak-ah KT. Rokhaw, Hunthar Veng, Aizawl te an ding dawn a. 14-Aizawl East-II leh 35-West Tuipui-ah te hian Hmeichhia Candidate an nei dawn a ni.