Inthlan Campaign-na senso chhut dan tur bithliah fel

Mizoram Legislative Assembly Inthlanpui 2023 lo awm turah Serchhip District chhunga Assembly Constituency pathum (3)-a candidate te Campaign senso chhutna atana hman tur thil man chu bituk fel a ni.
Inrinni khan Serchhip Addl. DC James Lalnithanga hovin Serchhip DC Meeting Hall-ah Political party hrang hrang aiawh te an thukhawm a. Election Commission of India chuan Mizoram Legislative Assembly Inthlanpui neih turah Candidate pakhat in inthlan senso atana an hman theih chin ah cheng nuai 28 bitukin hemi aia tam hi Candidate ten an seng thei lo a, hei hi inthlanpui neih hun puan atanga chhiarin an sum hman te chu Political Party te senso-ah chhut nghal a ni dawn a. Inthlanna a Campaign-na atana hman theih chi hrang hrang - Aurinna, Pandal siam, Flag, Poster, Banner leh Hoarding, lirthei hawh man, eitur leh riah man, Hall leh thuthleng hawh man leh a dangte bakah Electronic, Print leh Social Media a fakna chhuah man turte chu ngun taka ngaihtuah a ni a. Rate hman lai mek te sawiho niin lungrual takin an bithliah fel a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man