Flying Squad ten chak takin hma an la mek

Mizoram Legislative Assembly Inthlanpui neih hun tur puan a nih hnuah Flying Squad te chuan chak takin hma an la mek.
Mizoram Assembly inthlanpui neih hun tur puan a nih tak avangin inthlanna boruak muanawm leh felfai a awm theihna turin Model Code of Conducts (MCC) kenkawh nghal a ni a, hemi hnuaia Dan bawhchhiatna awm thei hrang hrangte venna atan Flying Squad te hian an huamchhung ah theuh hma la nghalin Serchhip District chhunga Assembly bial pathum (3) awm ah Flying Squad hi pahnih theuh, a vaiin Team 6 din a ni a. Team pakhat zelah hian Officer bakah Police leh Videographer te dah zel an ni a, tunah hian hmalakna hmasa atan Vantlang hmuna fakna leh thildang tarchhuah ah Politican te lanna dahbo hna thawh mek a ni a, hei bakah hian mimal In-a Political Party Flag tar la awm te pawh lakthlak tir an ni bawk.

Vawiin-a Assembly Inthlanpui hriattirna tihchhuah a nih atangin Expenditure Monitoring Team hrang hrangte pawhin an hna turte an thawk tan nghal dawn bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man