AAP Mizoram in Candidate tur mi 4 an puang

Thla thar November ni 7-a Mizoram inthlanpui lo awm turah Aam Aadmi Party (AAP) Mizoram chuan Candidate 4 an nei dawn.

Nimin khan AAP Mizoram in Assembly Inthlanpui-a an Candidate turte hi Aizawl Press Club-ah AAP Northeast Incharge Rajesh Sharma chuan a puang a. AAP Mizoram State President Andrew Lalremkima chu Aizawl North III-ah a ding anga, ani bakah hian Aizawl West I-ah Vanlalmawia Vanchhawng; Aizawl West III-ah Joseph Biakthianghlima leh Aizawl South I-ah Lalngaihawma Pachuau te an ding dawn a ni.

AAP Northeast Incharge Rajesh Sharma chuan Mizoram mai bakah India ram hmarchhaka a tum khatna ni turin Aam Aadmi Party in Candidate an rawn neih thu a sawi a. An party aiawha ding turte chu mi lehkhathiam tak tak an nih thu leh Mizoram tana inpe, Mizorama danglamna thlen tura din tum an nih thu a sawi a. Hmarchhak State te nasa taka hmasawnna kawnga an la pachhiat thu sawiin, eirukna do leh sawrkar tha din tura hmalak chu an thupui ber a nih thu a sawi a. Khawvel huapa pawha tha tur hmasawnna hnathawk turin ke an pen thu sawiin, Mizo mipuite chu hemi a thlen theih nana an party candidate te vote ngei turin a sawm a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar