Zirlai ten kawngzawh dawn

Govt. Higher Secondary School Serchhip a zirlaite chuan an School-a Zirtirtu dah phutna atan Vawiin hian Serchhip-ah kawng an zawh dawn.
Tunhnaiah Govt. HSS Serchhip-a Chemistry Zirtirtu chu aiawh tur dah lovin sawrkar in sawn a tum nia hriat a ni a, hemi hmalam hian he School-a Zirtirtu mi pathum lai chu an aiawh tur awm lovin Pension-a an chhuah bakah sawn an lo ni tawh a, hetiang zel a nih chuan zirtirtu indaihlohna avangin zirlaiten an tuar zel si a, kawng zawha sawrkar nawr tumin Vawiin hian an School atanga Serchhip Bazar thlengin zirlai naupangte hian kawng hi an zawh dawn nia thudawn a ni a, hemi rual hian Vawiin-a Serchhip rawn kal tur H&TE Minister Dr. R. Lalthangliana hnenah lehkha lo thehluh an tum nia thudawn a ni bawk.

Thudawnna in a tarlan danin Govt. Higher Secondary School Serchhip-a History Zirtirtu K. Lalhmangaiha chu kum 2018 kan pension in a aiawh tur dah a ni lo a, kum 2019 khan he School-a Mizo Zirtirtu H. Lalrengliana chu a aiawh tur dah lovin Govt. Central HSS-ah sawn a lo ni leh tawh a. Kum 2021 khan Physics zirtirtu Vanengmawia chu a aiawh tur dah lovin Govt. Republic HSS-ah sawn leh niin tunah hian Chemistry Zirtirtu Joseph Lalnuntluanga chu Govt. Mizo HSS-ah sawn leh a ni a, a aiawh tur hi dah ala ni lo bawk a ni.