Serchhip-a Arham buhfai zawrh te enfiah a ni

Serchhip-a dawrkai ten Buhfai (Arham) an zawh chu nimin khan Legal Metrology Enforcement Staff te chuan a hmunah kalin an enfiah.
Tunhnaiah Social Media thenkhat ah Mizoram-a sumdawng thenkhat ten Arham buhfai an zawrh chu Maximum Retail Price (MRP) inziak bel hnanin a man to zawkin an zuar nia tarlan a ni a, hei hi a Video te pawh thehdarh a ni bawk a. Hetiang thil a awm avang hian Serchhip-a Legal Metrology Enforcement Staff te chuan Serchhip-a buhfai zuar dawr hrang hrang 17 te chu nimin khan enfiahin hetianga MRP belh hnana buhfai zawrh hi Serchhip-ah chuan man tur a awm lo a ni.

Serchhip-a Legal Metrology Inspector Johny Zonunmawia chuan hetianga MRP inziak lo bel hnan leh MRP thaichhiat bakah MRP aia to-a thil zawrh te chu Dan bawhchhiatna a nih thu a sawi a. Hei hi mipuite leh sumdawng te pawhin an hriat a pawimawh thu a sawi a ni.