SEDP tanpuina sem mek zel

Serchhip District-a SEDP Line Department hrang hrangte chuan Family Oriented SEDP 2nd Phase hnuaia tanpuina dawng turte hnenah 1st Instalment an semchhuak mek.
Mizoram sawrkar in tun thla chhunga Family Oriented SEDP 2nd Phase hnuaia tanpuina dawng turte hnenah an sum dawn tur atanga 1st Instalment, Rs. 25,000/- pechhuak tura ruahmanna a siam angin SEDP Line Department te hian tanpuina sum hi Bank Account kaltlangin an sem mek a. Horticulture Department chuan niminpiah khan Tuikum Bial-a khaw 17-a tanpuina dawng turte hnenah sum hi pechhuakin Serchhip leh Hrangturzo bial atanga tanpuina dawng turte pechhuak turin an inbuatsaih mek bawk.

Sericulture Department pawhin an Department hnuaia tanpuina semchhuah tur hi Bank ah an dahlut fel tawh tih sawiin, Bank lamin hi an inpeih chuan semchhuah nghal a ni anga. Commerce & Industry Department pawhin an Department hnuaia tanpuina dawng turte hnenah Bank Account kaltlangin nimin khan Rs. 25,000/- hi an pechhuak tan bawk a ni.