SARAS Fair neih tan a ni

Self Help Group (SHG)-te thil siamchhuah leh tharchhuahte phochhuahna leh hralhna hunpui, Sale of Articles of Rural Artisans Society (SA-RAS) Fair, 2023 chu nimin khan Champhai-a Vanlallawma Indoor Stadium (VANIS)-ah RD Minister Lalruatkima chuan a hawng a, tun thla ni 16 thleng a awh ang. SARAS Fair hi kum 2015 atang khan hman niin tun tum hi Mizo-ram-a tum riat (8) neihna a ni a, RD Block 19 atangin SHG-te kalkhawmin Stall 50 leh Food Court pathum (3) siam a ni. Nimin khan SHG 44-te hnenah Bank hrang hrang atangin loan vbc. 2.2 pekchhuah nghal a ni bawk.