Quiz-ah Marian H/S thiam ber

Serchhip District AIDS Prevention & Control Committee bultumin nizan hmasa khan Red Ribbon Quiz Competition neih a ni a, Marian H/S Serchhip chu pakhatna an ni.
Serchhip-a zirna In te puala Red Ribbon Quiz Competition Lalro Digital Studio, Serchhip-a neih ah hian District AIDS Control Officer Dr. Lalnunhlima Khiangte chuan HIV/AIDS natna in khawtlang leh mimal nun nasa takin min chiahpiah tih sawiin, Mizoram leh India ramah nasa takin harsatna a thlen thu a sawi a. Target Age Group, kum 15 atanga 29 inkar ah nasa takin he natna hian harsatna a thlen thu leh hetiang anih avang hian tleirawl, Target Age Group bikah hian nasa taka inzirtirna neih a pawimawh avangin hemi kawnga hmalakna kal zelah Class 8, 9 leh 11 zirlai naupangte tan Red Ribbon Quiz Competition chu neih anih thu a sawi a. Naupang, zirtirtu leh khawtlang ah a tha zawnga nghawng a neih a beisei thu a sawi bawk.

District Level Red Ribbon Quiz Competition 2023-ah hian School pariat telin Marian H/S aiawha tel Pricilla Lalthununi leh B. Vanlal-ruatdiki te pakhatna an ni a. Chawngbuangi Memorial English School aiawh Benjamin Lalruat-dika leh Judy Lalrintluangi te pahnihna niin Govt. JM H/S aiawha tel Emmanuel Lalruathlua leh Lalhlimpuii te chu pathumna an ni a, Govt. PCR H/S in Consolation Prize an dawng bawk. He hunah hian Serchhip CMO Dr. LP. Malsawma leh DMS Dr. ZD. Lalmuanawma te pawhin thu an sawi bawk a ni.

Comments

Popular News (Last 30 Days)

LPG man bithliah thar