NSS Day pualin hun hmang

/

National Service Scheme (NSS) Day vawi 54-na pualin nimin khan Aizawl Chanmari YMA Hall-ah hun hman niin Sports Minister Robert Romawia Royte chuan khuallian niin a hmanpui a, Zirlai leh thalai tam tak, an thatlai leh vanglai huna NSS volunteer nih vanga PO te kaih-hruaina hnuaia thil tha tih kawnga inhmang mekte chuan thil tha an ti tih sawiin, Programme Officer te pawh kan ram leh hnam tana rohlu chher-chhuaktu an nihna a thara hre turin a fuih bawk. NSS Foundation Day hi September 24 niin kumin hian Pathianni a nih avangin nimin khan hman a ni a, tunah hian Mizoram pumah NSS Unit awmna School leh College 101 lai a awm a ni.

NSS Day puala hun hmanah hian Volunteer ten thisen a thlawna pekah hmahruaitu an nih zel theih nan Sports Minister's Trophy for Voluntary Blood Donation chu College pathum - Pachhunga University College, Govt. Hrang-bana College leh Govt. Aizawl College te hnenah leh Higher Secondary School pathum - Synod HSS, Govt. Zemabawk HSS leh Helen Lowry HSS te hnenah hlan a ni a. NSS Annual Achievement Report 2022-2023 pawh Sports Minister hian a tlangzarh nghal bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »