MSSSB leh MPSC Pisa tlawh

Human Resource Development Board Vice Chairman Dr. L. Thangmawia MLA chuan nimin khan Aizawl-a Mizoram Subordinate Services Selection Board (MSSSB) Office leh Mizoram Public Service Commission (MPCS) te a tlawh a, MSSSB hotute chuan kum 2020 atanga Office luaha hnathawk tan an nih thu te, Direct recruitment mi 243, LDE mi 288, Departmental Exam mi 216, Promotion mi 2906, Regularization mi 122, confirmation mi 1366, conversion mi 47 leh absorbtion mi 43, a vaiin mi 5,231 lai te an tihfel sak hman thu an lo sawi a. Hna hrang hrang 18 lakna atan exam buatsaih an la hmabak mek thu leh hna pali atan September 28 leh 29-ah exam ah an neih dawn thu te pawh an lo sawi a ni. HRD Board Vice Chairman in MPSC Office a tlawhna ah hian MPSC Office thuamthat nana Mizoram sawrkarin cheng nuai 460.28 a pek hmanga hnathawh te an thlirho bawk a ni.