Mim Kut hman dan tur rel

Mim Kut Celebration Organizing Committee chu nimin khan an Chairman leh Social Welfare & Tribal Affairs Minister Er. Lalrinawma hovin Aizawl-a END Conference Hall-ah an thukhawm a. He hunah hian kumin a Mim Kut hman dan tur relin, Mim Kut lawmna tur ruahman mek hi sawrkar bultuma Mim Kut buatsaih hmasa ber tur a ni a. Social Welfare & Tribal Affairs Department kaltlangin sawrkar laipui atangin a lawmna tur sum hmuh a ni a. September ni 29 khian Vanapa Hall-ah lawm tura ruahman niin Programme Sub-Committee in hun hman dan tur an ruahman dawn a ni.