Kumin ah Grape lei tam tawh

Champhai District chhunga Grape chingtute chuan kumin hian Grape rah Rs. 1,23,54,000/- man an hralh tawh.

Champhai Grape Grower Society chuan Tlangsam Winery-a her turin Champhai leh a chhehvela Grape chingtute tharchhuah Grape rah Quintal 1,069 chu Kg. khat Rs. 60/- in an leisak a, Grape rah leina atan hian Rs. 64,14,000/- an seng tawh a. Hnahlan Grape Grower & Processing Co-operative Society chuan Hnahlan leh a chhehvela Grape chingtute tharchhuah Grape rah Quintal 990 lei tawhin hei hi Rs. 59,40,000/- man a ni bawk.

Heng Society pahnihte Grape rah lei hi a vaiin Quintal 2,086 a tling tawh a, Grape rah an leina pawisa belhkhawm hi Rs. 1,23,54,000/- a ni. Hnahlan Winery leh Tlangsam Winery-ah Grape rahte hi Wine-a siam turin an her zo vek tawh a, tunah hian um-ah thunin hralhchhuah thuai a ni ang.