Dy. Commissioner of State Tax Office hawng

Deputy Chief Minister leh Tuichang bialtu MLA Tawnluia chuan nimin khan Khawzawl-ah Deputy Commissioner of State Tax Office thar a hawng.

Deputy Commissioner of State Tax Office hawnna puala inkhawm neih ah Deputy Chief Minister chuan Taxation Department chu sawrkar tana sum la luttu Department pawimawh tak a nih angin sawrkar pawhin a ngaipawimawh thu leh Khawzawl District in Deputy Commissioner of State Tax Office-a nei ta chu lawmawm a tih thu a sawi bawk.

Taxation Department hi May ni 20, 1988 khan Excise Department atanga indangin tun dinhmunah Commissioner of State Tax hnuaiah Zone14 - Aizawl-ah Zone pali leh District dang 10-ah Zone pakhat theuh Deputy Commissioner kaihhruainain an awm mek a ni. Taxation Department hian GST, VAT, GST huam loh Petroleum Tax leh Profession Tax te lakhawmin tunhnai kum 5 chhungin sawrkar in target a siam sak chu an la khum ziah a ni.