DGP in Saitual a tlawh

Mizoram DGP Anil Shukla IPS chuan nimin khan Saitual District tlawhin Police-te hnathawh dan a enfiah a, Saitual Police te hmalakna chu lawmawm a tih thu sawiin, an hnathawh tha te chu chhunzawm zel turin a chah bawk. DGP chuan thuthar lakhawmtu te kawmin tunhnaia District hrang hranga Police te a tlawh chhan chu Ruihhlo tawlhruk leh hman sual chungchang do na tura Police te chak zawka hma an lak theih nan te, Inthlanpui lo awm tur atana District Police te inpuahchah nan leh District Police te kalphung leh hmanrua te endik leh an mamawh hriatchian a nih theih nan te a nih thu a sawi bawk.