Kum 20 chhung lung In tang turin chungthu rel sak

Kolasib Addl. District & Session Judge-cum-Fast Track Court Judge Julie Lalrinzami chuan kumtlinglo khuaikhemtu, Laldingluaia (61), Thingdawl Hmar Veng chu kum 20 chhung hreawm taka tang tur leh Rs. 10,000/- chawi turin a hrem. Laldingluaia hian December 23, 2021 khan hmeichhe naupang kum 6 mi chu mipat hmeichhiatna hmanpui tumin a khawih a, hemi ni hian thubuai thehluh nghal a ni a. Police ten an chhuina kalzelah March 3, 2022 khan Chargesheet thehluh a ni a, pawi a khawih lai hian kum 59 mi niin Court chuan he thubuai hi a ngaihtuah hnuah thiamloh chantirin a chungthu hi a rel sak ta a ni.