VC House thar hawng

Mamit Venghlun-a Panchayat Bhawan (VC House) sak thar chu nimin khan Mamit bialtu MLA Er. H. Lalzirliana chuan a hawng a, rorelna tha hnuaiah vantlang nun a nuam thin tih sawiin, chu chuan khawtlang inlungrualna leh hmasawnna tam tak a thlen thin tih a sawi bawk. Mamit Bialtu MLA chuan MLA a nih tirhin Mamit khawpui chhunga VC te chu VC House la nei lo deuh vek an nih thu sawiin, Mamit khua bikah VC House thar pathum puitlin a ni ta chu a lawmawm hle tih a sawi bawk. Mamit Venghlun hian kum 2006 atang khan VC inrelbawlna hran an nei a, tûnah hian VC Member panga (5) awm mekin, chenna In 350 vel a awm a. Mihring hi 1500 bawr vel an chêng mek bawkin bialtu MLA hian Computer Set a pe nghal bawk a ni.