DGP in Champhai a tlawh

Mizoram DGP Anil Shukla IPS chuan nimin khan Champhai District tlawhin Police Station hrang hrangte a enfiah bakah khawtlang hruaitute nen an inkawm a. DGP chuan Police chu sawrkar leh mipuite thlunzawmtu pawimawh tak a nih angin, khawtlang hruaitute nena thawhhona a pawi-mawh hle a. Champhai District-ah Police leh khaw-tlang thawhhona tha tak a awm chu lawmawm a tih thu a sawi bawk. Champhai District-in harsatna a tawh lian tak - ruihhlo tawlhna chu ngaih pawimawh zual a tul hle tih pawh sawiin, “Hei hi kan fate leh nakin thlenga khawtlang hmelhmang tidanglam thei tur a nih avangin ruihhlo do kawngah tanho a, tanlak chhunzawm zel a tul,” a ti bawk. DGP Anil Shukla hian Champhai SP Office-ah Assam Rifles, RAW leh SIB te inkawmna a neihpui bakah Zokhawthar Police Station leh Checkgate te a tlawh nghal bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar