Court in kum 4 tang turin chungthu rel sak

Aizawl District & Session Court-a Special Judge (Prevention of Corruption Act) Dr. HTC. Lalrinchhana chuan niminpiah lama thiamloh a chantir tawh C. Lalfakawma, Chawnga Road, Khatla South, PWD JE chu kum 4 tang tur leh cheng nuai hnih chawi turin a chungthu a rel sak. Court hian C. Lalfakawma hi PWD JE a nihna anga a thuneihna leh mawhphurhna dinhmun hmangsuala uchuaka sum tam tak hmanga a mi duhsak zawngte dan phal loh anga Sub-Contract hna a thawh tir avangin Section 409 IPC leh Section 13 (2) of PC Act, 1988 angin thiam loh a chantir tawh a. Nimin khan Court chuan a hremna tur hi puangin kum 4 tang tur leh cheng nuai 2 chawi turin a hrem a,pawisa a pek theih loh chuan kum 1 a tan belh ang. C. Lalfakawma hi JE PWD, Khawzawl Division a nih laia a thil tih avanga thiamloh chantir niin, tunah hian PWD JE, Western Circle hna chelh mek a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man