LMC hmalakna puangzar

Lunglei Municipal Council (LMC) hotute chuan nimin khan LMC Office Conference Hall ah thuthar thehdarhtute kawmin LMC din a nih atanga sum an hmuh tawh chu Rs. 156,57,126/- a nih thu sawiin, Councillor te lawmman atan Rs. 12,08,821/- hman tawh niin Office Expenditure ah Rs. 14,20,893/- hman a ni tawh tih an sawi a. Mizoram Sawrkar atangin an mamawh thawktu tur an dilna a hlawhtlinna hmuh tur a la awm loh avangin a taka hnathawh a la harsa tih sawiin, Draft Lunglei Municipal Council Regulation/ by Laws paruk peih a nih tawh thu leh LMC Complex hmun tur zawn mek a nih thu an sawi a. LMC Ward 11-ah Ward Committee din fel vek a nih tawh thu an sawi bawk.