Chief Minister an kawm

 Kuki-Zo Community zinga mipui thlan hruaitu thenkhat leh pawl hrang hrang hruaitute chuan nimin khan Chief Minister Zoramthanga chu CM Office Conference Hall-ah an kawm a, Chief Minister chuan Manipur a boruak thalo thleng avanga mipui tam tak in harsatna an tawk chu pawi a tihpui thu a sawi a. An kalzel dan turah pawl hrang hrang leh mipuite uluk taka inrawnkhawm in, ngaihtuahna fim tak nen hmalak pawimawh a tihpui thu a sawi a. Mizo mipuite chuan zohnahthlak unaute chu puih an ngaihna laia puih zel an inhuam thu a sawi bawk. Nimin-a Chief Minister hmutu te zingah hian Minister leh MLA te bakah Mizo People’s Convention, Kuki Students' Organi-sation, Hmar Inpui, Committee on Tribal Unity, Zomi Council Student Organization leh pawl dang aiawhte an tel a ni.