Aspirational Block 3 thlang

Sawrkar laipui chuan Mizoram-a District 3 atangin RD Block pakhat theuh chu Aspirational Block atan thlangin heng te hi Aizawl District atangin Reiek RD Block, Saitual District atangin Ngopa RD Block leh Lunglei District atangin Lungsen RD Block te an ni a. Hemi hmalam hian Mamit District chu Mizoram District dang te aia dawmkan ngai leh ngaihven ngai zawk tur, Aspirational District atan a lo thlang tawh a, hei hi sawr zimin Block Level-ah thlan a ni leh ta a ni. Nimin khan Lunglei-ah District Level Consultative Committee on Aspirational Block chu thukhawmin Draft Block Development Strategy for Lungsen RD Block, Lunglei District chu thlirho a ni a, hemi hnuaia hmalak dan tur hrang hrangte sawiho a ni bawk.