ASF hri leng leh mek

Champhai District-a khaw pathum chu Vawk hri, African Swine Fever (ASF) lenna ah puan a ni leh a, heng khua te hi Bulfekzawl, Hmun-hmeltha leh Lianpui khua te niin ASF hri leng thawh thumna-ah hian Champhai District-ah Vawk 154 an thi tawh a, ASF hri vei nia hriat Vawk 202 suat a ni tawh bawk. ASF hri leng thawh thumna hian District 6-a khaw 21 a tuam mek a, AH & Vety Department chhinchhiah danin tun tuma ASF hri leng ah hian Vawk 667 chu hri vang hian an thi tawh a, hri vei nia rinhlelh vawk 312 suat an ni tawh bawk a, Vawin hri lenna District te hi Champhai District bakah Kolasib, Mamit, Aizawl, Lunglei leh Khawzawl te niin Champhai District aia tuar nasa an awm lo a ni.