Tuitla ruang pahnih hmu ta

Pathianni kalta a Tlawng lui, Sihhmui Lei hnuai Nghalchawm kai-a chesual-a tui-a tla mi pahnih te chu nimin zing khan an ruang hmuh niin nimin vek khan vuiliam nghal an ni. Aizawl Ramthar Veng-a cheng Lalmuanpuia (26) leh Lalropeka (15) te hi Pathianni khan an thiante nen intihlim tura Tlawng lui-a an kal chu chesualin tui-ah hian an tla a, Pathianni atang khan mi tlawmngai ten zawngin tui a nut avangin duh anga zawn theih a ni lova, nimin zing dar 7:50 vel khan Lalropeka ruang hi hmuh niin a ruang Nghalchawm kai an thlenpui hnuah ruang pakhat hi zawn zui niin Lalmuanpuia ruang pawh hi an hmu zui ve nghal nia thudawn a ni. Ruang an hmuhna hi an chetsualna atangin km 2 vela hla nia chhut a ni a, ruang pahnih te hi an hmuhna a inhlat lo nia thudawn a ni bawk.