Thenzawl-ah SDO (C) hovin Independence Day hman a ni
Thenzawl Lothazawl Field-a India Independence Day lawmna ah hian SDO (Civil) Rebecca Laldinmawii Hrahsel chuan Hnam puan-zar pawtparhin Parade contingent 15 te Hnam puanzar chibai buk a chhanglet a, Independence Day thuchah sawiin Thenzawl khaw chhunga sawrkar hmalakna hrang hrang te a tarlang a. Parade Contingent te hi Armed Contingent pakhat, Unarmed Mahila (hmeichhia) Contingent pakhat leh School Contingent 13 te niin Khuallian hian Parade Contingent titha te hnenah lawmman a sem a ni.
Nimin-a he hun hmanna ah hian Union Home Minister’s Medal for excellence in Police Training (2020-2021) dawngtu Hav. F. Zohmangaiha leh Hav. Lalrinkima; Union Home Minister’s Medal for Excellence in Police Training (2021-2022) dawngtu Inspr. H. Lalsangzuala leh SI. (AB) Shanti Moni Chakma bakah DGP’s Commendation (2022) dawngtu SI. Daniel Ramhluna, ASI. John Lalfakzuala leh Hav. Lalduhkima te hnenah khuallian hian lawmman a hlan bawk a ni.
Comments
Post a Comment