Tennis inelna khelh zawh a ni

Serchhip District Tennis Association buatsaih Independence Day Tournament chu niminpiah tlai khan khelh zawh niin kumin hian Category pali (4)-ah inelna neih a ni.

Leisekawt Tennis Court, Serchhip P&E Veng-a khelh Independence Day Tournament hi tun thla ni 5 khan khelh tan niin tun tumah hian Men’s Singles-ah player 14 telin Men’s Doubles-ah pair 6 an tel a, Men’s Singles 40+ ah mi 8 telin Men’s Singles B-ah mi 10 an tel bawk a. He Tournament hi niminpiah khan Final khel-a zawhfel niin inelna ngaihhlut ber Men’s Singles-ah K. Zoremsiama, P&E Veng chuan Vanlalrinliana, Hmar Veng hnehin a Champion a. Men’s Doubles-ah Dr. Lalruatliana Pachuau AOC Veng leh Reuben MS. Dawngkima, New Serchhip, Khaw-tetlang te tangdun chuan Dr. Jonathan Lalnunsiama, New Serchhip, Khawtetlang leh K. Vanlalhmuthara, Bukpui te tangdun chu hnehin an Champion bawk.

Men’s Singles 40+ Category-ah K. Zoremsiama, P&E Veng chuan Vanlalvuana, P&E Veng hnehin a Champion bawk a, Men’s Singles B Category-ah K. Vanlalhmuthara, Bukpui chuan Ramdinliana, Chhingchhip hnehin a Champion bawk a ni.

He Tournament hi Knockout System-a khelh niin Serchhip khawpui chhung bakah Baktawng atangin Player 3 leh Chhingchhip atangin player pakhat an tel a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man