Sawrkar in la hriatpui lo

Law Minister TJ. Lalnuntluanga'n Biak In thleng kher lova man inhlan Mizo danah inneihna tling-a pawm rawtna awm chungchang Sawrkar in a hriatpui lo tih a sawi.

Nimin-a Assembly thutkhawma ‘The Mizoram Compulsory Registration of Marriages (Amendment) Bill, 2023’ a khaikhawmnaah Law Minister hian, dan reng reng ti danglam emaw, siam tur emaw chuan a changtu Department-ah pangngai taka thlena buatsaih a nih hnuah Cabinet Meeting-ah thlen lehin, uluk taka an ngaihtuah hnuah Assembly House-a pawm tura chhawpchhuah thin a ni a, Assembly in a pawm hnuah Sawrkar Gazette-a chhuah a nih hnuah hman thin a ni tih a sawi a. 

Tunhnaia Mizoram State Law Commission-in Biak In thleng kher lova man inhlan chu Mizo danah inneihna tling-a pawm rawtna awm chungchangah Law Commssion chu recommending body a nih angin Dan siam rawtna a thlen thei a, Dan chu tupawhin an rawt thei vek a, hetiang a nih rual hian tuna Biak In thleng kher lova man inhlan chu Mizo danah inneihna tling-a pawm rawtna awm chungchang hi sawrkar ah thlen a la awm lo a, a changtu Law Department-ah pawh thlen a la awm lo tih a sawi.

Comments

Popular News (Last 30 Days)

LPG man bithliah thar