Ruihhlo do kawnga hmalakna thlirlet

Working Committee on Ruihlo Do chuan nimin khan an hmalakna hrang hrang thlirletna hun Aizawl-a SAD Conference Hall-ah an hmang.

Ruihhlo do kawnga hmalakna thlirletna hun hi an Chairman SW&TA Minister Er. Lalrinawma chuan hmanpuiin kan ram chu thenawm rambuai avangin tunhma aia ruihhlo in min chenchilh bakah ruihhlo tawlhna kawng a ni chu pawi a tih thu sawi a. Hemi kawngah hian hnamdangte'n Mizote hmanrua a min hmang hi a vanduaithlak a. Mipuite'n hei hi kan hmelma lian tak a ni tih kan hriat thara mahni hlawkna leh hausakna tur chauh ngaihtuah lova, ruihhlo chu kan ram hmelma a ni tih kan hriata huaisen taka kan do tlan a hun takzet tih a sawi a ni.

He huna Members kalkhawmte chuan an pawl leh Department hmalakna leh hmachhawp nei mekte sawiin, hmalak lehzel dan turah rawtna te an sawiho a, hmalak zel dan turte pawh an sawiho nghal bawk a ni.