Prison Sunday hmang

Roman Catholic Kohhran chuan nimin Pa-thianni kha India rampum ah ‘Prison Sunday’ atan hmangin Serchhip Parish-ah chuan he ni pual hian chhungkaw tinah Thawhlawm Ip sema thilpek an lakkhawm bakah nimin-a Inkhawm-ah he ni pual hian thilpek an lakhawm bawk a, heng an thilpek lakkhawm te hi Jail tang te tanpuina atan hman a ni ang. Serchhip Catholic Kohhran-a Prison Ministry chuan he ni pual hian naktuk, August 15, 2023 hian Serchhip District Jail-ah rawng-bawlna hun an hmang dawn a, Rev. Fr. Praveen Fernandes hovin hun hman a ni ang.

Serchhip-a Catholic Kohhran, Our Lady of Assumption Parish Serchhip hian Inrinni khan Serchhip P&E Veng-a Parish Hall-ah Leadership Training an nei bawk a. Nimin khan Feast Day hmangin he hun hi Most Rev. Joakim Walder Auxiliary Bishop, Bishop of Aizawl Diocese chuan a rawn hmanpui bakah Thenzawl leh Khawlailung atangin Father ten an rawn hmanpui a, HSLC leh HSSLC pass thar te lawmpuina hun an hmang bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man