MZP in hnamdang kawppui Candidate do tlat an tum

Mizo Zirlai Pawl (MZP) chuan hnamdang kawp-pui Candidate do tlat turin thutlukna an siam. MZP General Hqrs. chu nimin khan thukhawmin MZP-in December 19, 2022-a Political Party hrang hrangte hnena hnamdang kawppui neite MLA Candidate-a chhawp chhuak lo tura ngenna a lo siam tawh chu tun thlenga political party-ten an la zawm tlat avangin lawmawm an tih thu an sawi a. MZP chuan hnamdang kawppui neite candidate an nih hian inchimralna kawngah nasa takin bu a khuar zel dawna a hriat avangin a do tlat tih pawh sawiin, hnamdang kawppui neite chhawp-chhuak political party an awm a nih chuan kan hnam him zel nan heng Political Party-te hnualsuat ngam turin Mizo mipuite an ngen bawk a ni.