MTP hruaitu ten Governor hnenah an thlen

Mara Thyutlia Py (MTP) General Headquarters, Siaha hruaitute chuan nimin khan Mizoram Governor hmuin Mara Autonomous District chhunga hmalakna thenkhat leh bawhzui ngai nia an hriat te an sawipui.

MTP hruaitute hian an President Pakhaw Choza hovin nimin khan Raj Bhavan-ah Mizoram Governor Dr. Hari Babu Kambhampati hi hmuin hun rei tawh tak chhung chu MADC area chhung thalaite zingah Sipai a tling an tlem chu veiawm an tih thu an sawi a. Tunhnaiah Army Recruitment a rawn awm thin a, hengah te hian Siaha District thalai te an tlin ve theih na tura kawng zawn sak turin an ngen a ni. Hei bakah hian General Nursing & Mid-wifery School, Siaha sak hna thawh mek chu hun rei tawh tak atang khan ngaihven a ni lo tih an sawi baawk a. He Institution pawimawh tak hi kuminah sak puitlin a nih ngei theihna tur leh Nursing School anih anga kalpui a nih theih nan hmalak sak turin an ngen bawk a ni.