MHIP in Social Media hman inzirtir thar tul an ti

Zonuna Kawlni /

Mizo Hmeichhe Insuihkhawm Pawl (MHIP) General Hqrs. chuan a thalo zawnga Social Media-a in pholang an awm thin chu pawi an tih thu sawiin, nu leh pa te pawh an tu leh faten pawi an khawih loh nan nasa zawk a inzirtir thar leh turin an chah.

Nimin-a thuchhuah an siam ah MHIP General Hqrs. chuan Social Media a thalo zawnga hman vanga hrem tawk tunhnaiah an awm fo ta tih sawiin, IT Act 67A-in a sawi angin Sex Video/thlalak thehdarh kawngah account neitu in ama duhthu ngeia a thehdarh emaw, mi Sex Video/thlalak lo thehdarh sak emaw chu vawi khatna ah kum 5 thleng lungin tan leh cheng nuai 10 thleng chawi tir theih niin hrem nawn a nih chuan kum 7 lungin tan leh cheng nuai 10 thleng chawitir theih a ni tih an sawi a. Social Media hman dik loh kawngah IT Act angin hrem theihna dan hrang hrang a awm thu sawiin, mitin te Social Media an hman danah fimkhur se an ti a ni.

Hei bakah hian naupang chunga pawngsual, kutthlak leh khuaikhemna thleng chungchangah pawi khawihtu chu kumtling lo pawh nise Juvenile Justice Act 2015 hmangin hrem theih a nih thu leh kum tling a nih chuan POCSO Act, 2012 hmangin hrem theih a ni tih sawiin, hemi kawngah pawh hian mipuite fimkhur se an duh thu an sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »