Lei tlahniam a hmunah tlawh

Tunhnaia Lawngtlai-III leh Lawngtlai Electric Veng-a lei tlahniam chu nimin khan Mizoram Legislative Assembly Deputy Speaker H. Biakzaua chuan a hmunah tlawhin khawtlang hruaitute nen an thlirho a, helai-a lei tlahniam hi kum 1995 atanga intan tawh niin, kum 2019 hnu khan a che zui ta rih lova. Kumin Fur khaw chengah rawn che nawn lehin, nizan hmasa thleng khan tlem tlemin a chet belh tih khawtlang hruaitute chuan an sawi a. Tun tumah hian Lawngtlai Electric Veng-a chhungkaw 23 chu hmun him lamah sawn niin, In pahnih thiah mek a ni bawk.