Doctor indaihloh chhan lak tur hmuhloh vang

Health Minister Dr. R. Lalthangliana'n Mizoram-a Doctor an indaihloh chhan chu sawrkarin lak tur a hmuh loh vang thin vang a ni tih House a hrilh.

vNimin Assembly Fur thutkhawm-a Siaha Bialtu MLA, Dr. K. Beichhua zawhna leh zawh belhna dang a chhannaah Health Minister hian, sawrkar term kal mek chhungin Doctor pension a chhuak 25 an awm bakah Dcotor thenkhat ZMC a awm ngheh thlang mi 13 an awm a, Deputation a kal 6 an awm bakah PG zir 25 leh nunna chan 9 an awm thu sawiin, chhan hrang hrang vanga Doctor an chan zat hi 78 an tling a, indaihlohna a nasa hle tih a sawi a. Doctor indaihlohna phuhruk nan MBBS zirchhuak te lak tum ve thin bawk mah se, NHM hnuaiah MBBS te chu Rs. 60,000 leh Specialist Doctor te chu Rs. 1,20,000 bakah hlawh an pek theih loh avangin lak tur an hmu zo thin lo a. Aizawl leh a chehvelah a aia hlawk zawka thawh an duh thin avangin Doctor zirchhuak te an chang hlei thei lo tih a sawi.

Health Minister chuan, tun dinhmunah Special Doctor 5 leh Ayush Doctor 5 ve ve la tura ruahmanna siam mek niin, MPSC ah a inchiah mek thu a sawi a, District thar 3 te chu District Hosipital anga Function tir tum a nih avangin Medical Officer post 9 leh Specialist Doctor 3 lak phalna sawrkar-a dil mek a nih thu a sawi a, tunah hian MHS hnuaiah Vacan post an neih chu 84 zet a nih thu a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man