DC in Training hmanpui

Champhai-a LAD leh PHE Department-te tangkawp buatsaihin 15th Finance Commission Convergence chungchang zirhona ni khat chu nimin khan neih a ni.

He Training hmanpuitu Champhai Bawrhsap James Lalrinchhana chuan Training an neih chhan te sawifiahin, khawtlang hruaitu VC te tan intuaihriamna leh inrawnkhawmna hun tha tak a nih thu a sawi a. VC-te chu ram hmasawnna bulthuta awm, khawtlang kaihruai tura mipuite thlan tlin an nih angin mahni khawtlang theuh thatna tura thahnemngai taka thawk thin tur leh an hna kaihhnawih dan leh thupek hrang hrang te bel taka hrechianga a nih tur ang ngeia kengkawh thin turin a chah a. An hmalakna hrang hrangte District Administration hrilh hre fo thin tur leh an mamawh apiangte inthlahrung lova thlen turin a chah bawk.