VC leh tlawmngai pawl ten thawhho dan tur an sawiho
He sawihona Serchhip Sub-Hqrs. YMA Conference Hall-a neih hi Serchhip Town Joint VC Chairman B. Vanlalngura chuan kai-hruaiin Serchhip khawtlang in hma a sawn theihna turin pawl hrang hrang ten kan theih anga hma kan lak tlan theuh thin thu leh amaherawh chu heng kan hmalakna ah hian ngaihdan leh duhdan inang lo te awmin, hmalakna tura mipui in an ngaih then-khat ah erawh hmalatu mumal tak awm loh chang te pawh a awm thin thu a sawi a. Hei vang hian khawtlang tana hmalakna te rualkhai zawka kan nawr theih nan leh thawhhona kan neih theihna turin he thutkhawm hi Serchhip Town Joint VC te chuan an huaihawt thu a sawi a ni.
He thutkhawm ah hian Serchhip Town chhunga VC hrang hrang bakah pawl hrang hrang tel tura sawm te atangin YMA, MUP, MHIP, MZP, MJA, Serchhip Town Development Committee aiawhte an tel a. Khawtlang tana hmalakna tur hrang hranga an ngaih pawimawh te sawiho niin heng zingah hian Serchhip a sawrkar Department hmunhma la nei lo ten hmun nghet an neih theih dan turte leh Serchhip khawpui chhunga tuialhthei harsatna thleng mek chungchang te a tel a. Heng kawnga hmalak dan tur tha nia an hriat hrang hrangte an sawiho a ni.
Comments
Post a Comment