Serchhip District-a Health Department te ECG hlan

Assam Sawrkar hnuaia awm Assam Electronics Development Corporation Ltd. (AM-TRON) chuan nimin khan Serchhip District-a Health Department hnenah Lung enna khawl (ECG) laksawn theih (Portable ECG) Unit 27 leh Drip Monitoring an hlan.
Heng Portable ECG leh Drip Monitoring te hi NEC atanga an sum hmuh hnuaiah AMTRON hian Serchhip-a Health Department te hnenah an pe a, ECG te hi Serchhip District Hospital-ah pathum hlanin Serchhip chhunga PHC 5- East Lungdar, Chhing-chhip, Khawlailung, Ngentiang leh North Van-laiphai PHC bakah Thenzawl CHC leh Health & Welness Centre 18 ah hnenah hlan a ni a, hemi rual hian Drip Monitor pawh an hlan tel bawk a, nimin khan Serchhip CMO Conference Hall-ah heng khawl te inhlanna hun hi hman niin khawl hman dan inzirtir nghal a ni bawk.

Heng ECG khawl te hi laksawn/hun-sawn mai theih a nih avangin tlangram hmun kil-khawr tak tak ah te a hman theih dawn a, ECG Unit-ah hian Smart Phone awm nghalin Lung enna bakah hian Mit enna te, Khuh dan enna bakah CT Scan te thlengin a tih theih thu AMTRON aiawha lo kalte chuan an sawi a. Heng CT Scan, Khuh enna leh Mit exam-na te hi Mobile Phone-ah aplication hmanga thlunzawma hman theih niin ECG hi Smart Phone-ah hian thlunzawm tur a ni a, heng result te hmang hian Doctor ten damlo endikin enkawlna tha zawk an dawng thei dawn niin an sawi bawk.