Ran chaw siamna hmun tur lungphum phum

AH&Vety Department changtu Minister Er. Lalrinawma chuan SASCE 2020-2021 sum hmanga Ranchaw siamna hmun dinna tur lungphum chu nimin khan Lengpui-ah a phum.

SASCE sum cheng nuai 465 hmanga Ran chaw siamna hmun, Sustainable Animal Feed Distribution System to Check Inflation of Meat and its End Products Project lungphum phumna hunah hian AH &Vety Minister Er. Lalrinawma chuan kan ramah ranvulh a hautak em em a, a chhan chu zaa 70 vel ranchaw manah kan hman thin vang a ni tih sawiin, ran chaw man sang zel ven nana hetiang project a enkawl Department-in an siam chu lawmawm a tih thu a sawi a. Tunlaia ran natna za zela 70 chu mihringah pawh kan kai ve theih anih avangin kan ranvulhte an hrisel theih nan theihtawp chhuaha kan enkawl that a pawimawh thu a sawi bawk.

Sustainable Animal Feed Distribution System to Check Inflation of Meat and its End Products Project-ah hian Feed Godown Phase I, II & III, Digital Weighing Bridge (Civil, Machinery & Technical Quarters), Manager Quarters cum Site Office, Labour Shed bakah Bio-Security Fencing te awm tura ruahman a ni. He project hian a tum ber chu ran vulhtute'n man tlawm zawka ran chaw an lei theihna tur kawng hawnsak te, engtiklai pawha ran chaw tha leh man tlawm lei tur awmtir reng te, ran chaw chawkluhna man tihniam tura Sairang/Sihhmui Rel Station hnai vaia Feed Godown din bakah Company lian zawk hnen atanga tum khata ranchaw tam tak lakluh theihna kawng sial te a ni.