Raltlan 8 rawn luh belh leh

Manipur tualchhung buaina thleng avanga sahimna zawnga Serchhip District-a raltlan rawn lut chu nimin thleng khan mi 78 an tling tawh.

Tunhnai khan Game Village, Imphal West atanga rawn lut mi pathum te chu Thenzawl West-ah mi In luahin an khawsa a, an vai hian puitling vek niin In leh lo hal sak an nih avanga rawn raltlan niin an in sawi a. Anni bakah hian Lamka atanga rawn lut mi 5 te chu Khumtung khua ah mi In luahin an awm bawk a, an zinga pathum te chu naupang niin midang pahnih hi puitling an ni a, sahimna zawnga rawn kal niin an insawi bawk. Heti hian Serchhip District-a raltlan rawn lut mi 78 te hi Serchhip, Thenzawl, Khawlailung leh Khum-tung khua ah an awm mek a ni.

Hetihlai hian nimin thleng khan Manipur atanga Mizoram a raltlan rawn lut chu mi 12,380 an tling tawh a, heng mite tan hian Relief Camp 37 siam ni tawhin Camp-ah hian mi 2,893 awmin Camp pawn lamah mi 9,487 an awm bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar