MNF Block in Political Training kharna nei
Serchhip Darnam VC Hall-a Political Training kharna hun hi MNF Serchhip East Block Adviser K. Tlangthanmawia chuan kaihruaiin he hun hmanpuitu MNF Publicity Board Vice Chairman J. Malsawmzuala Vanchhawng chuan, “Mi chapote Pathia nin a hnukhniam thin,” tiin 'Pathian leh kan ram tan' tih thuthlung vuantu MNF Worker te chu inngaitlawm tak leh thuhnuairawlh taka midangte dawr thin turin a chah a, MNF chu dinna nghet tak nei, 'Kan ram, kan hnam leh kan Sakhua a him tur a ni' tih vuan tlattu a mih thu sawiin, Mizoram ramri humhalh kawngah te, kan chhehvela cheng Zo hnahthlak harsatna tawkte thlavang hauh kawngah leh an Inpui Mizoram-a himna zawnga lo tlanlutte lo enkawl kawnga Chief Minister Zoramthanga kaihhruai sawrkar hmalak dan enin, dinna nehet tak nei a nih zia hi a langchiang zel tih a sawi bawk.
Thahnem ngaih luatah mipui rilru kawng dik lova hruai palh a hlauhawm tih pawh J. Malsawmzuala chuan sawiin, politics kaihhnawih anih avanga Mizoram chu kawng tinrenga hnufual bik leh engkim tha lo bik anga kan sawi fo chuan thalaite rilru pawh kawng dik lo ah kan hruai thei tih a sawi a. Hruaitu thenkhat zingah tharum thawhna chawk chhuak leh thei tur ang zawng lek leka thusawi an awm thin te phei chu thil pawi tak a nih thu a sawi bawk.
Comments
Post a Comment