DIET building thar hawng

School Education Department changtu Minister Lalchhandama Ralte chuan Samagra Shiksha 2020-21 sum cheng nuai 327.432 ruahman hmanga sak DIET Lunglei Academic Building thar chu nimin khan a hawng a, Mizoram-ah zirna in hma a sawn zel theihna turin School Education Department chuan nasa takin tan a lak mek zel thu sawiin, National Education Policy (NEP), 2020 in a duang angin School a zirna chu a bulthut atanga siamthat hna tawh mek zel a nih thu a sawi bawk. DIET Lunglei Academic Building thar hi Allied Concern ten a sak hna thawkin Mizopa chhiara chhawng thum a ni a, Classroom pasarih leh Faculty Room bakah Seminar & Conference Room leh Room pawimawh dang te a awm a ni.