All India Sainik School Inter Zonal Football Tournament-ah Chhingchhip an Champion

India rama Sainik School hrang hrangte Football-a inelna All India Sainik School Inter Zonal Football Tournament-ah Sainik School Chhing-chhip chu Champion in Subroto Cup khel turin an tling nghal bawk.

All India Sainik School Inter Zonal Football Tournament hi tun thla ni 10 atang khan Assam-a Golpara-ah khelh niin rampum-a Zone then 5- North, South, East, West leh Central Zone atangin June thla a intihsiakna an neih tuma Champion te theuh an tel a. He inelna hi Under-14 leh Under-17 tana buatsaih niin League system-a kalpui a ni a, Point hmu sang ber chu Champion-ah puan thin an ni a, Chhingchhip Sainik School hi Junior (Under-17) ah champion in Delhi-a Subroto Cup khelh turah India rama Sainik School zawng zawng aiawhin an khel dawn a. Under-14 Team erawh East Zone inelna ah pahnihna niin tun tuma inelna hi an khel phak lo a ni.

He inelna a lawmman te hi Vawiin hian sem tur niin East Zone inelna a Top Scorer lo ni tawh Sainik School, Chhingchhip Captain Agastia Thapa chuan Goal 8 khungin Top Scorer a nih leh beisei a ni. Sainik School Chhingchhip team te hi tun thla ni 17 khian an rawn haw dawn a ni.