YMA in dawr hawn phalsak te vil zui zel dawn

Central YMA chuan dan lova sumdawnna nia hriat Aizawl-a dawr an khar tir zinga hawn an phalsak leh te chu dan anga kalpui a nih leh nih loh Central YMA leh Branch YMA ten an vil zui dawn tih an sawi.

Thuchhuah siam an tarlan danin Central YMA chuan, tunhnaia Aizawl khawpui chhunga Mizo dawr - Iron Rod, Cement, Balu leh Brick zawrhna thenkhat, hnamdangte nena dan lova in zawmna nei ni a hriatte chungchanga Central YMA hmalakna chu ram leh hnam tana thil pawimawh tak a ni tih hria a thlawp tlattu Mizo mipuite chungah lawmthu an sawi a. Sumdawnna dang ah pawh Mizote chu dan dik taka an sumdawnna kalpui theuh turin a ngen tih an thuchhuah ah hian an tarlang a ni.

Central YMA in Benami Transaction (Prohibition) Act 2016 tlawhchhana Mizo Dawr, dan lova hnamdang mite thurualpui ni a hriat, khar tura a ngen te leh dan anga an kalpui ngei tawh tur thu an in tiam avanga hawn tir leh tak te list pawh tarchhuakin, a vaiin 74 a ni a. Heng Mizo dawrte hi dan anga an kalpui zui a nih leh nih loh chu Central YMA leh Branch YMA ten an vil zui zel dawn tih an tarlang bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar