YMA Football Semi Final khelh a ni dawn
LBS Suzuki 21st Inter Branch YMA Football Tournament 2023 chu Vawiin hian Semi Final khelh a ni dawn ta.
Central YMA leh MFA te buatsaih LBS Suzuki 21st Inter Branch YMA Football Tournament 2023-ah hian niminpiah khan Quarter Final khelh niin Aizawl Sipai Lammual-a inkhel ah Bawngkawn chuan Khawzawl Vengthar chu 3-1 a hnehin Semi Final an lut a, Durtlang leh Tlangnuam inkhel ah goal khat ve ve inpe a inhnehtawkin Penalty shootout ah Tlangnuam in 5-4 in hnehna an chang a, Semi Final an lut bawk.
Rajiv Gandhi Stadium-a inkhel ah Venghnuai chuan Bethlehem Vengthlang chu si hnih fai-a hnehin Semi Final an lut ve bawk a, Salem Veng leh Hualngohmun inkhel ah Team pahnih te hi goal khat ve ve inpe in an inhnehtawk a, Penalty shootout hmanga chak zawk zawnna neih ah Salem Veng chuan 5-4 in hnehna an chang bawk a ni.
Vawiin hian Rajiv Gandhi Stadium-ah Semi Final khelh tura ruahman a ni a, Vawiin tlai dar 4:00 hian Bawngkawn leh Tlangnuam ten Semi Final hmasa zawk khelin zanin dar 8:00-ah Venghnuai leh Salem Veng ten Semi Final hnuhnung zawk an khel bawk ang.
Comments
Post a Comment