Volleyball Final khelh a ni

/

Serchhip Vengchung Volleyball Association buatsaih R.Laikunga (L) & Rangthangi (L) Memorial Volleyball Tournament chu Inrinni khan khelh zawh niin Mipa-a Darnam VC leh Hmeichhia-ah Bungtlang VC te an Champion.
 Kar kalta Thawhtanni atanga Serchhip Vengchung Volleyball Court-a khelh he Tournament-ah hian Mipa-ah Team 13 leh Hmeichhia-ah Team 6 an tel a, Inrinni tlai-a Mipa Final khelh ah Dar-nam VC hian Chhiahtlang VC chu 3-0 (25-16, 25-18, 25-15) a hnehin an champion a, Best Player atan Zodinpuia leh Best Setter atan Lalfakawma te thlan niin an pahnih hian Darnam Volleyball Club ve ve an ni.


Mipa Final khelh a nih hma hian Hmei-chhe Final khelh niin Bungtlang VC chuan New Serchhip VC chu hnehin an champion bawk a, hmeichhe inelna ah hian Team 6 telin Final-ah hian Bungtlang hian Set hmasa ber an hloh hnuah 3-1 (17-25, 25-15, 25-13, 25-17) in New Serchhip VC hi an hneh a ni. Hmeichhe inelna ah hian Lalrammawii chu Best Player leh Jenny K. Lalbuatsaihi chu Best Setter atan thlan niin Bungtlang VC ve ve an ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »