SUP khapna enfiah leh a ni

Serchhip District Inspection Team for Enforcement of Ban on Single Used Plastic (SUP) te chuan nimin khan Serchhip Bazar leh New Serchhip huamchhunga dawr hrang hrangah hman khat daih Plastic hman leh zawrh khapna zawm that a nih leh nih loh enfiah lehin dan phal loh Polythene bag, Fian, Plate leh Plastic Earbud thahnem tak man leh a ni a, heng dan phalloh thil chi hrang hrang zuartute chu hman khat daih Plastic thatlohna leh sawrkar in a khapna te hrilhfiahin zuar tawh lo turin an ngen a, tun tumah chuan sum leh pai chawitir lovin, dawn zawm lova an zuar man leh a nih chuan dang anga chawitir zel an nih tawh dawn thu an hrilh bawk a ni. Nimin-a heng Plastic zawrh enfiahna ah hian DC Office-a thawkte bakah Commerce & Industry, UD&PA Department leh Police Department aiawhte telin Team hnih-ah inthenin an thawkchhuak a. Hetiang hian dawr hrang hrang hi enfiah thin a ni dawn a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar