Ram inthleng dil enfiah

Power Minister R. Lalzirliana chuan nimin khan Melriat tlawhin infiamna hmun tur (playground) an neih theihna tur atana 132 KV Sub-Station ram leh khawtlang ram inthleng an dil chu a hmunah a enfiah a. Melriat khawtlang ten 132 KV Sub-Station a thawktute chenna (staff quarters) tur atan ram an lo pek tawh ah lawmthu sawiin, tuna an thil dil chu Cabinet pawmpuina a ngaih avangin khawtlang mipuite chu dawhthei taka lo nghak hram hram turin a chah a, theihtawpa a bawhzui tur leh a hlawh-tlin ngei a beisei thu P&E Minister hian a sawi bawk a ni.